പൈലിച്ചേട്ടന്‍
നാട്ടില്‍ അറിയപ്പെടുന്ന കൊള്ളപ്പലിശക്കാരനാണ്.
അപ്പന്‍
സൈക്കിളില്‍ പലിശ പിരിക്കാന്‍ നടക്കുന്നത് മക്കള്‍ക്കും മരുമക്കള്‍ക്കും
കുറച്ചിലായിത്തുടങ്ങിയപ്പോള്‍ പൈലിച്ചേട്ടന്‍ ഒരു സെക്കണ്ട്ഹാന്‍ഡ് ആക്ടീവ വാങ്ങി.
മൂപ്പര്‍
ആളൊഴിഞ്ഞ ഒരു പറമ്പിലിട്ട് ആക്ട്ടീവ ഓടിച്ചു പഠിക്കുമ്പോഴാണ് സെബാള്‍ട്ടി ആ വഴി
വന്നത്.
"ആഹ, ചേട്ടന്‍
ടുവീലറൊക്കെ വാങ്ങിയല്ലോ ,
ഓടിക്കാനൊക്കെ നല്ലോണം പഠിച്ചോ?" സെബു ചോദിച്ചു.
"ആ - ഒരുമാതിരിയൊക്കെ"
പൈലിച്ചേട്ടന്‍ പറഞ്ഞു.
"പക്ഷെ ഈ ആളില്ലാത്ത പറമ്പിലിട്ട്
ഓടിച്ചിട്ട്‌ കാര്യമില്ല ചേട്ടാ, പഠിക്കുന്നേല്‍
സിറ്റിയില്‍ നല്ല തിരക്കുള്ള സമയത്ത് ഓടിച്ചു പഠിക്കണം" സെബു പറഞ്ഞു.
"ഓഹോ - അങ്ങനെയാണോ, ഇപ്പൊ വൈകുന്നെരം സിറ്റിയില്‍ നല്ല
തിരക്കുള്ള സമയമല്ലെ - ഞാനൊന്ന് പോയി ഓടിച്ചു നോക്കിയിട്ട് വരാം"
പൈലിച്ചെട്ടന്‍
ആക്ട്ടീവ ഓടിച്ചു പോയപ്പോള്‍ അതുവഴി വന്ന കൂട്ടുകാരന്‍ സെബുവിനോട് പറഞ്ഞു -
"അയാള്‍ക്ക്‌ ശരിക്ക് ഓടിക്കാനൊന്നും അറിത്തില്ല, സിറ്റിയിലോടിച്ച് വല്ല വണ്ടീടടീലും
പെട്ട് ചത്തുപോകുമെടാ"
"അതുതന്നെയാ അളിയാ എന്‍റെയും ആഗ്രഹം, ഒരു പതിനയ്യായിരം
പലിശക്കെടുത്തിട്ടുണ്ട്."
0 comments
Posts a comment